Plantun de Prouvènço

Pèr coumpara dos planto d'encò nostre

Myosotis arvensis & Diatelia tuberaria

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Massugueto(-lignouso)

Diatelia tuberaria

Cistaceae

Nom en français : Hélianthème tubéraire.

Descripcioun :
Aquelo massugueto sèmblo uno pichoto massugo, emé sa tijo lignouso e caboussudo à la baso. Li fueio d'en bas soun óuvalo e longo de 3 à 8 cm, espesso, coustado en grasiho, emé de long péu argenta dins sa jouinesso. Li boutoun de flour di ramo se recounèisson que soun pounchu e pendoulon. Li flour se duerbon lou matin.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 15 à 45 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Diatelia
Famiho : Cistaceae

Coulour de la flour : Jauno
Petalo : 5
Ø (o loungour) flour : 30 à 40 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Abriéu à mai

Liò : Champino - Terraire safrous - Tepiero seco
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Diatelia tuberaria (L.) Demoly, 2011 (= Helianthemum tuberaria (L.) Mill, 1768 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Diatelia tuberaria

Coumpara Te-vese-e-t'ame(-de-champ) emé uno autro planto

Coumpara Massugueto(-lignouso) emé uno autro planto